Югары Чегодайда быел беренче кече Сабантуй балалар өчен оештырылды

Майның соңгы якшәмбесендә авыл мәдәният йорты каршындагы мәйданда балалар белән бергә әти-әниләр һәм әби бабайлар да рәхәтләнеп ял итте, балаларның шат авазлар яңгырап торды.

Бу бәйрәмдә үземә дә катнашу насыйп булды. Бәләкәйләр монда кунакка килгән әкият геройлары белән дә көч сынаштылар, уйнадылар, күңел ачтылар. Гомумән, бәйрәмдә уенннар күп булды, катнашучылар берсе дә бүләксез калмады.

Авыл халкына, балаларга һәрдаим шундый чаралар оештырган мәдәният хезмәткәрләренә олы рәхмәтләр белдерәм. Шундый чаралар халыкны берләштерә дә инде ул. Авылда мәдният яшәсә, аның киләчәге дә өметле.

Гөлчәчәк Садриева.

Яр Чаллы шәһәре.