Игътибар үзәгендә – әниләр

Бәйрәм чарасына уллары махсус хәрби операциядә катнашкан, шулай ук Әфганстан һәм Чечняда хезмәт иткән якташларыбызның әниләрен, район оешмаларында эшләүче хатын-кызларны чакырганнар.

Кунакларны район башкарма комитеты җитәкчесе Илнур Җамалетдинов тәбрикләде.

- Ничә яшьтә булуыбызга карамастан, әниләрнең яхшы сүзе, аларның назлы карашы, акыллы киңәше балага да, өлкәннәргә дә кирәк. Күзләрегездә елмаю сүнмәсен, сезгә сәламәтлек, бәхет, гаилә иминлеге, үзара аңлашу һәм балаларыгыздан җылы мөнәсәбәт телим, - диде Илнур Минсәгыйть улы.

Бәйрәм чарасын бизәп, әниләр хөрмәтенә тагын бик күп җылы сүзләр әйтелде, матур җырлар башкарылды. Һәм, әлбәттә, район башлыгы Рамил Айбатов исеменнән бүләкләр тапшырылды.

ФОТОРЕПОРТАЖ

Илсөяр Гайнетдинова фотолары һәм видеосы