Чирмешән районы башлыгы РАМИЛ АЙБАТОВның Яз һәм Хезмәт бәйрәме уңаеннан котлавы

Сезне чын күңелдән Яз һәм Хезмәт бәйрәме - хезмәт ияләре бердәмлеге көне белән котлыйм! Беренче Май - үзе белән яз һәм җылылык, өмет, яшәү дәрте, күңел күтәренкелеге алып килә торган бәйрәм, бу - чын хезмәт ияләре, көндәлек тырышлыклары белән районыбызның киләчәген булдыручылар бәйрәме. Намуслы, җаваплы хезмәт кенә тормышыбызны лаеклы итә ала.

Һәр кеше үз хезмәте, иң яхшы үзгәрешләргә омтылышы белән заман таләпләренә туры килгән уңай үзгәрешләр өчен нигез булдыра. Сезнең һәрберегезнең эшенә ихтыяҗ зур булсын һәм лаеклы бәяләнсен, шатлык һәм иминлек китерсен. Яшь буынның хезмәткә карата ихтирамлы мөнәсәбәтен саклавы, хезмәт ияләренең үрнәге безнең районда яшәүче яшь кешеләр өчен ориентир булып калуы бик мөһим.

Безнең уртак омтылышыбыз лаеклы хезмәт итәргә, балаларыбыз, якын кешеләребез өчен барысын да эшләргә, тынычлыкта һәм татулыкта яшәргә, районыбызның һәм Татарстан Республикасының, илебезнең иминлеге, тотрыклылыгы һәм чәчәк атуы өчен ышанычлы нигез булачак. Бу бурычларны без үзара килешү һәм ярдәм шартларында гына хәл итә алабыз.

Бу язгы көннәр шатлык һәм бәхет белән тулсын, яңа дәрт һәм оптимизм өстәсен. Һәр кешенең йөрәгендә яз яшәсен, күңелдә май чәчәк атсын, өйдә мәхәббәт һәм үзара аңлашу хөкем сөрсен!