Агачларны корткычлардан эшкәртергә вакыт!

Бакчаны корткычлардан саклауның яхшы ысулы — тиешле дару белән эшкәртү, ди белгечләр. Моны дүрт этапта эшләргә кирәк. Бөреләр бүрткәч тә эшне башларга кирәк.

Икенче этап — яфраклар ачылгач. Чөнки нәкъ яшелләнеп чыккан яфраклар - корткычлар өчен иң тәмле азык.

Өченче этап – куаклар һәм агачлар чәчәк атар алдыннан. Тик инде чәчәк атып өлгергән булса, дару белән эшкәртергә ярамый. Агуы җимешнең уртасында торып калачак.

Дүртенче этап — чәчәк атҡаннан соң. Алма агачының җимешләре - баш бармак тырнагы кадәр, карлыган һәм крыжовник борчак кадәр булгач, дару сибегез.

Агачларны һәм куакларны тулысынча эшкәртергә кирәк. Очыннан алып, кәүсәсенең төбенә тиклем. Бер зур агачка - 5-6 литр, куакка 1-1,5 литр дару сарыф ителә. Препаратларга килгәндә, корткычларның күпчелегенә каршы көрәшкәнен алырга кирәк. Агу булачак уңышка начар тәэсир итә, дип курыкмагыз, аларның үсентеләрне саклау вакыты чикләнгән.

чыганак