Малларны – җәйге лагерьларга

Район хуҗалыкларында савым сыерлары өчен - 13, яшь малларга 11 җәйге лагерь бар. Аларны тизрәк ремонтларга, барлык терлекне саф һавага чыгарырга кирәк.

Савым сыерларын 1 майдан да соңга калмыйча саф һавада йөртү, лагерьларга күчерү мөһим. Җәйге лагерьларны ремонтлау буенча эш башланды дияргә була. "Чирмешән - АГРО", "Үтәмеш", "Сөлчә", "Лашман - АГРО" җәмгыятьләрендә ремонт бригадалары тупланган инде.

Көтүлекләрдә яшел үлән баш төртү белән яшь малларны да җәйге лагерьларга чыгарырга кирәк. Малларны, гомумән, көндез ачык һавада тотарга вакыт җитте.

Линар Хуҗиханов,
район авыл хуҗалыгы һәм азык - төлек идарәсенең җитештерү һәм маркетинг бүлеге җитәкчесе.