Чирмешән районында уракка 77 комбайн чыгачак
Районда быелгы уракка 77 комбайн чыгарга тиеш. Бүгенге көнгә аларның 81 проценты кырга чыгарга әзер, әле 15 комбайнны ремонтлыйсы бар.
Быел район хуҗалыклары 15 берәмлек авыл хуҗалыгы техникасы алган, ә яңа комбайннар юк.
-Урып-җыю эшләренә керешергә ике атналап вакыт калып бара. Июнь ахыры, июль башына көзге техник культуралар өлгерә, аннан язгы культуралар чираты, - диде район авыл хуҗалыгы һәм азык-төлек идарәсе начальнигы урынбасары Ильяс Гатауллин. – Шуның өчен ремонт эшләрен ашыктырырга кирәк.
Комбайннарыбызга йөкләнеш (нагрузка) зур. Бөртеклеләр һәм техник культуралар игелүче мәйданнарны бүлеп исәпләгәндә, бер комбайнга уртача 619 гектар туры килә, норма – 300-400 гектар.
-Уңышны югалтуларсыз җыеп алу өчен өстәмә комбайннар, ярдәм кирәк булачак, - диде Ильяс Нәгыймулла улы. – Уракны иртә тәмамлый торган төбәкләр белән бу хакта бүген үк килешеп кую мөһим.
Автор фотосы.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев