Чирмешән районында 12 мең гектардан күбрәк мәйданда уҗым культуралары чәчтеләр

“БИО-АГРО” гына да 5556 гектарда уҗым бодае чәчкән. “Әккәрәй”дә чәчкечләр – 1700, “Тепсуркаев В. Ә.” хуҗалыгында – 1400, “ЧИРМЕШӘНАГРО”да 1100 гектарда орлыкларны җир куенына салганнар.

Җир эшкәртүдә “ЧИРМЕШӘНАГРО” эшне кыска тотты, монда ул тулысынча, 3875 гектарда башкарылган, аннары көнбагыш участокларына керәсе була. “Әккәрәй”, “Тепсуркаев В. Ә.” хуҗалыкларында да агрегатларга нибары берничә көнлек эш калган. Тулаем район буенча 32 мең гектарга якын мәйданда җир эшкәртелгән, ягъни планга карата 59 процент.

Кадыйр Гомәров фотосы