Чирмешән районында умарталар да документлы булачак

-Районда 179 умарталык, аларда дүрт мең оядан күбрәк умарта исәпләнә, - ди умартачылык һәм аквакультуралар буенча республика дәүләт учреждениесенең райондагы инспекторы Рәсыйх Шәфыйков. - Мондый документы булган хуҗа балын да сата, умарталары агуланганда, яки башка очракларда тиешле органнарга дәгъвасын да белдерә ала. Паспортны, акча түләгәч,  район дәүләт ветеринария берләшмәсендә бирәләр, ә мин мөһер сугам.

Бердәм үрнәктәге паспортта умарталык хуҗасы, урнашу урыны, умарталарның баш саны, шулай ук нинди эшкәртү һәм дәвалау чаралары үткәрелүе турында мәгълүмат булачак.  Мондый документ һәр умартачылыкка  бирелә.

фото: архив