Котлыйбыз!

Әмир авылында туып үскән, хәзер Чирмешәндә гомер кичерүче әтиебез

Кадыйр Шакир улы Гомәровны юбилее белән тәбрик итәбез.

Газиз кешебез, кадерле әтиебез! Күркәм юбилеең уңаеннан, без сиңа ихлас котлауларыбызны, күңел назыбызны, олы рәхмәт хисләребезне юллыйбыз.

Синең кебек түзем, миһербанлы кеше бик сирәктер. Аралашудагы гадилегең, юмор хисенә бай, оптимист булып тормышны матур алып баруың белән һәммәбезгэ өлге, үрнәк син. Дөньяның барлык изге сыйфатларын сыйдырган даладай киң күңелең, туган-тумачаларга, дусларыңа, тирә-юньдәгеләргә җылылык өләшеп яши белүең белән зур ихтирам, хөрмәт яуладың.

Кадерле кешебез, барлык кылган изгелекләреңә, безнең өчен өзелеп яшәгәнеңә сиңа тирән рәхмәтлебез! Ходай сиңа гомерне санамыйча, сәламәтлекне чикләмичә, омтылган барча максатарыңа ирешү өчен Үзенең ярдәмен бирсә иде. Һәр көнең безнең, якыннарыңның күңел җылысы, кайгыртуы һәм игътибары белән тулып торсын. Тормышның тирән диңгезендә, елларга бирешмичә, бәхетләргә күмелеп үз корабыбызда йөзәргә язсын. Бәйрәмең мөбәрәк, ризык тулы табыннарыбыз түгәрәк булсын, бүгенге куанычлы мизгелләр кабатланып торсын! Без сине бик яратабыз һәм горурланабыз.

Яшә әле бер дә бирешмичә,

Баш имичә зар һәм әрнүгә.

Барыбызга канат, терәк булып

Талмый атла гомер түренә.

Насыйп итсен Ходай озак еллар

Кунак булып җирдә йөрергә.

Күңел тынычлыгы, җан рәхәте,

Тән сихәте бирсен гомергә.

Изге теләкләр белән сине хөрмәт итүче тормыш иптәшең, балаларың.