Котлыйбыз!

Чирмешән районы, Кызыл Яр авылында туып үсеп, 51 ел гомерен Казахстанда, хәзергесе көндә, туганнары янәшәсенә кайтып, Чирмешәндә гомер итүче апабыз, әтиебезнең сеңелесе ТӘСКИРӘ ХАТЫЙП кызы ГАТИНАның юбилее, аңа 85 яшь.

Апабыз Тәскирәне туган көне белән тәбрик итеп, аңа кояштай озын гомер, корычтай нык сәламәтлек, яшьлегендәге авыр хезмәтенең рәхәтен күреп, безнең арабызда, һәрбарчабызны үзенең догасыннан калдырмыйча, бүгенгедәй көләч йөзле булып, рәхәттә, тынычлыкта яшәвен телибез.

Юбилеең белән котлап, апа,

Хөрмәт белән сиңа дәшәбез.

Олыгаям, диеп моңсуланма,

Юбилей ул – гомер бәйрәме.

Матур кыш аенда тугансың син,

Шуңадыр да син саф күңелле.

Туганнарым, диеп яшисең син,

Бу соң үзе бәхет түгелме.

Сине тәбрик итеп абыеңның балалары, кияү-киленнәре, онык-оныкчыклары.

Чирмешән-Әлмәт-Түбән Кама.