Котлыйбыз!

Чирмешән муниципаль районы башлыгы Рамил Тәлгать улы Айбатовның 14 сентябрьдә – 55 яшьлек юбилее.

Хөрмәтле РАМИЛ ТӘЛГАТОВИЧ, юбилеегыз уңаеннан ихлас котлауларыбызны кабул итегез. Сез тынгысыз җанлы, һәрвакыт алга баручан, киләчәккә уй-планнар белән яшәүче, белемле, эрудицияле шәхес. Хезмәт сөючән, авыл гаиләсендә чыныгып үсеп, югары белем, һөнәр үзләштергәннән соң, үзегезне төрле өлкәләрдә сынадыгыз һәм оста җитәкче булуыгызны дәлилләдегез. Тупланган әлеге тормыш тәҗрибәсе Сезгә яңа үрләргә ирешергә ярдәм итсен. Бүгенге көндә җитәкләгән кораб, төрле киртәләрне узып, бары тик дөрес агым белән генә алга йөзсен. Барлык хыялларыгыз тормышка ашсын, күңелегездә яз, мәхәббәт хөкем сөрсен, исәнлегегез нык булсын! Сезнең барлык башлангычларыгызда һәм тормышыгызда уңыш, илһам, иҗат, тугры юлдашчылар булсын. Көндәлек бурычларны хәл итүдә үҗәтлек һәм сабырлык телибез. Чын күңелдән истәлекле бәйрәмегез белән тәбрик итәбез! Сезгә гаилә бәхете, нык сәламәтлек, күңел күтәренкелеге, тормышта оптимизм, иҗади уңышлар, бары тик күңелле вакыйгалар, бәхет юлдаш булсын!

Район авыл җирлекләре Советлары һәм башкарма комитетлары коллективлары.