Котлыйбыз!

Югары Кәминкә авылында туып үскән, хәзер Чирмешәндә бик матур гомер итүче 
киявебез, җизнәбез Рамил Яхъя улы Хөснуллинның 2 июньдә 55 яшьлек юбилее.

Рамил киявебез – безнең арабызда бик хөрмәткә ия, һәрвакыт ярдәмчел, эчкерсез, саф, киң күңелле, бар эшендә үрнәк гаилә башлыгы.
Хөрмәтле Рамил! Бу матур 55 санлы юбилеең белән тәбрик итәбез. Синең дөньялыкта нинди теләгән теләкләрең бар, барысының да тормышка ашуын, пар канатың Энҗе сеңелебез, апабыз белән бәхеттә-шатлыкта, исәнлектә-саулыкта, бер-берегезгә терәк булып, өч кызыгыз – йолдызыгызның уңышларына куанып, бүгенге матур тормышыгызның рәхәтен күреп, без – туганнарыгыз белән бергә бүгенгесдәй аралашып, муллыкта яшәвегезне теләп калабыз.
55 ел узып киткән,
Сизми, сизелми генә,
Тормыш юлын синең кебек,
Матур үтәр кем генә?!
Акыллы да, гади да син,
Үрнәк һәм итагатьле.
Гомер буйларына сау-сәламәт,
Булсаң иде чиксез бәхетле.

Сине тәбрикләп: Гатиннар, Заһитовлар, Шакировлар. 
Бу теләкләргә апабыз Тәскирә дә кушыла.