Безнең Чирмешән
  • Рус Тат
  • Чирмешәндә бер машина йөртүче юлга “баш төзәтеп” чыккан

    ЮХИДИ инспекторлары район үзәгенә төньяктан керә торган уңайда, “Чирмешән” язуы - аншлаг янындагы юл чатында “Приора” җиңел автомашинасын туктаталар. Документларны тикшергән вакытта, аның йөртүчесеннән алкоголь исе килеп китә: бу кеше – быел районда автоинспекторларга исерек килеш эләккән кырыгынчы машина йөртүче.

    -Безнең яклардагы нефть компанияләренең берсендә эшләүче Лениногорск районы егете кичтән бәйрәм иткән булган. Үзе әйтүенчә, иртән “баш төзәтеп” өлгергән, аннан, янәсе, кичекмәстән юлга чыгарга туры килгән. Аны без узган якшәмбе көнне, иртәнге уннарда туктаттык, - ди районның ЮХИДИ бүлекчәсе инспекторы Рәмис Шәкүров. -Кагыйдә бозучының автомашинасы штрафстоянкага озатылды. Ул хәзер 30 мең сум штраф түләргә тиеш була һәм 1 ел ярымга яки 2 елга кадәр машина йөртү хокукыннан мәхрүм ителә, анысын суд хәл итәчәк.

    Архив фотосы

    Нравится
    Поделиться:
    Комментарии (0)
    Осталось символов: