Чирмешән районында хатын-кызлар арасында волейбол буенча чемпионатта Ивашкино командасы беренче булды
Хатын-кызлар арасында узган волейбол буенча район чемпионатында төп приз – 25 мең сум һәм кубок Ивашкино авыл җирлегенә китте.
Район чемпионатында катнашкан 14 команда арасында барган уеннардан соң иң оста волейболчылар ачыкланды. Финалга узган командалардан ивашкинолыларга тиңнәр булмады, алар – беренче. Чирмешән авыл җирлегенең “Кызлар” командасы, алардан беразга гына калышып, икенче булдылар, аларга 20 мең сум күләмендә акчалата премия тапшырылды. Өченче урынга чыккан “Элмәле” командасына – 15 мең, дүртенче урын ияләре - шешминкалыларга 10 мең сумлык акчалата бүләк бирелде.
Илназ Мөхетдинов фотолары.
Следите за самым важным и интересным в Telegram-каналеТатмедиа
Нет комментариев