Яңа ел табынына тәмле салат

 Әйтик, майонезлы - ике һәм бер яшелчә салаты бик җиткән. Аларны да бер утырып ашарлык кына итеп әзерләгез. Бәйрәм вакытында агулануларның шактый очраклары яраклылыгы чыккан салат ашаудан булганлыгын онытмагыз.

Без сезгә бик тәмле һәм ансат ясала торган салат рецепты тәкъдим итәбез.
Моның өчен ысланган тавык ите (күкрәк өлеше), сельдерей сабагы, алма, виноград кирәк булачак.
Тавык ите, алма һәм виноградны (төшләрен алып) шакмаклап турарга.
Шунда ук туралган селдерей салырга һәм табынга бирер алдыннан гына майонез яки каймак белән болгатырга.
Алма каралып китмәсен өчен болгатканчы лимон согына салып алсагыз була.

чыганак