Пекин кәбестәсе һәм тавык итеннән бәйрәмчә язгы салат ясау ЫСУЛЫ
Кирәк булачак: 300 грамм түш ите (тавык), 400 грамм черри помидоры, 500 грамм пекин кәбестәсе, 400 грамм татлы борыч, 200 грамм фета сыры, сохари, майонез, тоз-борыч.
Тавыкның түш итен калынрак телемнәргә турыйбыз да, «тавык ите өчен» дигән паприкалы тәмләткечтә әвәләп, табада ике ягын да кыздырабыз. Сохарины үзебез дә әзерләргә мөмкин: ипине шакмаклап турап, 15–20 минут дәвамында газ мичендә кыздырып алабыз. Пекин кәбестәсе, татлы борыч, кыздырылган тавык итен – озынча итеп, фета сырын – шакмаклап, черри помидорын яртылаш итеп турыйбыз. Барысын да тирән эчле савытка салып, тоз, борыч, майонез өстәп, болгатабыз. Сохарины табынга куяр алдыннан гына салатка өстибез.
Фото: https://pixabay.com/ru
Следите за самым важным и интересным в Telegram-каналеТатмедиа
Нет комментариев