Безнең Чирмешән
  • Рус Тат
  • Кышка борщ ясау ЫСУЛЫ

    Бакчачы-блогер Эльмира Исхакова рецепты.

    Кирәк булачак: 1 кило чөгендер, 3 кило кәбестә, 2 кило кызыл помидор, 1 кило кишер, 1 кило суган, бераз петрушка, 200 грамм көнбагыш мае, 2 аш кашыгы тоз, 1 аш кашыгы шикәр комы, 2 аш кашыгы 9 процентлы аш серкәсе.

    Реклама

    Чөгендерне озынча итеп юка гына, суганны – ярым боҗралап, помидорны – зуррак өлешләргә, петрушканы ваклап турыйбыз.   Тирән эчле табага май салып, суганны бераз кыздырып алабыз. Кишер өстәп, тагын бераз кыздырабыз. Аннан калган барлык ингредиентларны салып, яшелчәнең үз суында берәр сәгать чамасы пешерәбез (чөгендерне кабып карагыз – пешкән булса, борщ әзер дигән сүз). Сүндерер алдыннан аш серкәсе өстибез. Стерильләштерелгән банкаларга тутырып куябыз. Кыш көне борщ пешерү өчен тәмле катнашма әзер!

    "Ватаным Татарстан"

    фото: https://pixabay.com/ru

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: