Балык ыслау ЫСУЛЫ

- Балыкны чистартабыз, салкын суда әйбәтләп юабыз. Саңакларын алырга онытмыйбыз. Югыйсә ул ризыкны тәмсез итә.

- Тоз белән бөтен ягын, шул исәптән эчен дә әйбәтләп ышкыйбыз һәм,  тоз сеңсен өчен, 3–4 сәгатькә тынычлыкта калдырабыз. Балык зур булса, озаграк тотарга да була.

- Ыслау мичен 100 градуска хәтле җылытабыз.

- Балыкның тозын юабыз, корытабыз һәм үсемлек мае белән ышкыйбыз. Мичнең рәшәткәсенә салабыз.

- Җылытылган мичнең астына җиләк-җимеш агачларының йомычкасын, чүбен салабыз. Чия, алма агачларын куллансагыз, балык тәмле була.

- Ыслау миченең ишеген яхшылап ябып, балыкны 45 минут чамасы тотабыз. Бу очракта да балыкның зурлыгын исәпкә алырга кирәк. Кечкенә балык булса, 25 минут та җитә.

- Балык әзер! Мич ишеген ачканда сак булыгыз. Ризыкларыгыз тәмле, кәефегез яхшы булсын.

Чыганак

Фото: https://pixabay.com/ru