Чирмешән районы хуҗалыкларында көзге бодай һәм арыш яхшы уңыш бирә

Әлегә, район авыл хуҗалыгы һәм азык-төлек идарәсендә тупланучы мәгълүматларга караганда, уҗым бодае гектардан уртача – 25, ә арыш 23 центнер уңыш бирә.

Уракта “ЧИРМЕШӘНАГРО“, “БИО-АГРО“, “Серендеев Н.И.“ җәмгыятьләре башкалардан өлгеррәк эшлиләр.

Быел тулаем 29 мең 723 гектардан бөртеклеләр уңышын җыясы була, 10 мең 876 гектары – арпа, 9 мең 382 гектары – уҗым бодае. Моңардан тыш көнбагыш та байтак мәйдан били.

Көзге чәчү өчен 9150 гектар җир әзерләнгән (тиешленең 75 проценты).

Планның 117 проценты кадәр, ягъни 6126 тонна печән запаслары тупланган, 3800 тонна (18 процент) сенаж салынган. Бу өлкәдә “Сөлчә“ җәмгыяте аеруча яхшы эшли.