Чирмешән районында тагын бер кешене исерек килеш руль артына утырган өчен хөкем иттеләр
Чирмешән җәмәгать суды октябрь аенда исерек килеш машина йөрткән бер кешегә карата карар чыгарды.
Административ хокук бозулар турындагы эш буенча әлеге карар кырыс: Урманасты Үтәмеш авылында яшәүче Равил Латыйповны 30 мең сум штрафка тарту һәм 1 ел да 6 айга транспорт чарасын йөртү хокукыннан мәхрүм итү турында. Автоинспекторлар кагыйдә бозучыны Акъяр-Чирмешән-Шентала туктатканнар: ул исерек, өстәвенә йөртү таныклыгы да булмаган.
Якташыбызның спиртлы эчемлек куллану билгеләре: алкоголь исе, сөйләгәндә буталып китүе, бит төсендә, үз-үзен тотышында үзгәреш ачык күренгән. Тикшерү нәтиҗәләре машина йөртүченең салмыш булуын раслаган. Инспекторлар аны транспорт чарасы белән идарә итүдән читләштерү турында беркетмә төзегәннәр. “Тракторчы-машинист таныклыгым бар”, - дип акланса да, суд барышында ул үз гаебен таныган.
Әлеге материаллар юл хәрәкәте куркынычсызлыгын
тәэмин итү буенча район комиссиясеннән алынды.
Следите за самым важным и интересным в Telegram-каналеТатмедиа
Нет комментариев