Бер чирмешәнленең "электркөтүче"сен урлаганнар
Чирмешән авылы кешесе үз хуҗалыгындагы “электркөтүченең” 1250 метр озынлыктагы электр чыбыгын урлаучыларны җаваплылыкка тартуны сорап полициягә мөрәҗәгать иткән.
Әлеге уңайдан тикшерү бара. Гомумән, 13-19 майда район полиция бүлегенең дежур частенда 41 хәбәр кабул ителгән. Бу чорда 2 җинаять эше кузгатылган. Полициянең участок уполномоченныйлары 17 административ беркетмә төзегәннәр. Район юлларында 3 юл-транспорт һәлакәте теркәлгән: икесе - матди зыян белән, берсендә имгәнүчеләр бар. Юл хәрәкәте кагыйдәләрен бозуның 63 очрагы ачыкланган, 5 йөртүче транспорт белән исерек хәлдә идарә иткән.
Әлеге мәгълүматлар Россия Эчке эшләр министрлыгының Чирмешән районы буенча бүлеге штабыннан алынды
Следите за самым важным и интересным в Telegram-каналеТатмедиа
Нет комментариев