Абыйсының акчасын урлаган

Ләкин, булмас димә – дөнья бу: абыйсының акчасын туганының улы урлаган. Моның өчен яшь егет аның телефонына килгән кодларны файдалана һәм мобиль приложение аша абыйсының шәхси кабинетына керү өчен кирәкле мәгълүматларны язып ала.
Шул ук көнне ул абыйсының банк счетыннан 7 мең сум акчаны башка счетка күчерә. Ярты сәгать тә вакыт узмый, егет кабат әлеге операцияне башкара, бу юлы 3 мең сумны үзләштерә. Моның белән генә тынычланып калмый, бер-ике сәгатьтән соң картадагы акча запасы тагын 3500 сумга кими. Моңа өстәп, һәр операция саен 390 сум комиссия дә алына. 
Икенче көнне аппетит арта, егет абыйсының “кесәсеннән”, бер-бер артлы, тагын байтак акча күчерә. Ниһаять, абыйсы акча югалуын сизеп ала һәм полициягә мөрәҗәгать итә. Каракның эзенә бик тиз төшәләр. 
Суд барышында угры егет үз гаебен тулысынча таный, абыйсына акчаны да кайтара. Алай да район суды гаеплене ике ел да алты айга, өч ел сынау срогы белән, ирегеннән мәхрүм итү җәзасын (шартлы рәвештә) билгеләгән.