«Мәгариф» илкүләм проекты буенча республиканың 32 уку йортына яңа җиһазлар биргәннәр

Үткән ел республикада 15 мәктәпкә, 17 техникум һәм көллияткә яңа компьютерлар һәм презентация җиһазлары кайтарылган. Яңа техника белән «Мәгариф» илкүләм проекты һәм «Цифрлы белем бирү мохите» төбәк проекты кысаларында бирелгән, дип хәбәр итә «Татар-информ» мәгълүмат агентлыгы.

Узган, 2019 елда шулай ук республиканың Бөгелмә, Буа, Биектау, Зәй, Кайбыч һәм Нурлат районнарындагы авыл мәктәпләрендә спорт заллары ремонтланган. Бу гамәлләр исә «Һәр баланың уңышы» төбәк проекты кысаларында башкарылган.

Болардан кала, былтыр Казан федераль университеты «Халыкара эко-технологик система» проекты белән федераль бюджеттан 2 миллион 397 мең сум күләмендә грант откан.