Безнең районда
Чирмешәннән Алина Дмитриева "Автоледи-2021" республика бәйгесендә катнашачак
Якташыбыз хатын-кыз автомобильчеләр арасында Чистай шәһәрендә узган "Автоледи-2021" машина йөртү осталыгы бәйгесенең зона этабында өченче урын яулады.
Анда республиканың 8 районыннан вәкилләр катнашкан. Муниципаль этапларда җиңгән бу гүзәл затлар Казанда узачак республика этабында районнарны тәкъдим итү хокукы өчен көрәшкәннәр.
Зона этабы нәтиҗәләре буенча беренче урынны - Нурлат районы, икенче урынны Чистай районы вәкилләре алды, Чирмешәннән Алина Дмитриева өченче урында. Шулай итеп, полиция хезмәткәре булып эшләүче якташыбыз көрәшне республика күләмендәге ярышта дәвам итәчәк.
Следите за самым важным и интересным в Telegram-каналеТатмедиа
Нет комментариев