Безнең Чирмешән
  • Рус Тат
  • Чирмешәндә “Ел укытучысы - 2014“ бәйгесе үтте

    Районыбыз мөгаллимнәре быел да үз араларыннан иң көчлеләрне ачыклады. "Ел укытучысы - 2014" бәйгесенең финалында катнашкан сигез укытучы арасында Чирмешән лицееннан Галия Кәримова иң күп балл җыйды. Ярыш кысаларында конкурсантлар ачык дәресләр үткәргән, эш тәҗрибәләре белән уртаклашкан. Бәйгенең 1нче Чирмешән мәктәбендә оештырылган район этабы финалында Чирмешән лицееннан Галия Кәримова җиңү...

    Районыбыз мөгаллимнәре быел да үз араларыннан иң көчлеләрне ачыклады. "Ел укытучысы - 2014" бәйгесенең финалында катнашкан сигез укытучы арасында Чирмешән лицееннан Галия Кәримова иң күп балл җыйды.

    Ярыш кысаларында конкурсантлар ачык дәресләр үткәргән, эш тәҗрибәләре белән уртаклашкан. Бәйгенең 1нче Чирмешән мәктәбендә оештырылган район этабы финалында Чирмешән лицееннан Галия Кәримова җиңү яулады. Лашманнан Кадрия Динмөхәммәтова, Ивашкино мәктәбеннән Наталья Яманова һәм Чирмешән кадетлар интернат-мәктәбеннән Елена Меркулова да призерлар арасында. Алар 24-25 март көнне конкурсның Лениногорск шәһәрендә үтәчәк зона этабында район данын да яклаячак.
    Быел мәктәп китапханәчеләре дә көч сынашты. "Ел педагог-китапханәчесе - 2014" район бәйгесендә җиңеп чыккан Альбина Яруллина (Чирмешән лицее), Валентина Иванова (Ульяновка мәктәбе), Наталья Миронова (1нче Чирмешән мәктәбе) шулай ук 24-25 март көнне Нурлат шәһәрендә узачак зона ярышлары этабында катнашу хокукын яуладылар.

    Нравится
    Поделиться:
    Комментарии (0)
    Осталось символов: