Безнең Чирмешән
  • Рус Тат
  • Чирмешән районында быел пневмония белән авыручылар былтыргыдан биш тапкырдан да күбрәк

    Быел безнең районда больницадан тыш пневмония белән авыруның 551 очрагы ачыкланган. Узган елда ул бу вакытта 95 кенә булган.

    -Билгеле булганча, кискен респиратор, вирус инфекциясе һәм пневмониягә шиклеләргә, безнең районга төп медицина ярдәме күрсәтүче провизор госпиталь – Әлмәт үзәк больницасы, - ди Чирмешән үзәк больницасы баш врачы Лилия Мортазина. -Әлмәткә бездән 135 авыру стационар дәвалануга күчерелде, кызганыч, 24се вафат булды.

    Реклама

    Катлаулы эпидемиологик хәл белән бәйле һәм COVID-19 таралуны кисәтү өчен медицина хезмәткәрләре кулларны еш юарга, битлек кияргә, күзләргә, авызга һәм борынга кагылмаска, төчкерүче һәм йөткерүче кешеләрдән ераграк булырга, үзеңне начар хис иткәндә өйдә генә торырга киңәш бирәләр. Температура күтәрелсә, йөткертсә, тын буылса медицина ярдәме сорарга, һич кенә дә үзлегеңнән дәваланмаска кирәк.

    Лилия Мортазина әйтүенчә, районга гриппка каршы 8570 доза вакцина кайткан, алар тиешле максатларга кулланылган. Халыкны вакцинацияләү дәвам итәчәк.

    фото: архив

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: