Нефть музеен күрдек
Безгә, “Татнефтепром” җәмгыятендә эшләп лаеклы ялга чыккан пенсионерларга, Шөгердәге нефть музеен күрергә насыйп булды. Бу сәяхәтне нефтьчеләр бәйрәме көннәрендә оештырдылар.
Ачык һавадагы һәйкәл-музейда битум табу процессын, кызыклы экспонатлар күрдек, тарих битләрен барладык, барын да сокланып карадык.
Шөгергә зур, уңайлы автобуста алып бардылар, тәмле ризыклар белән сыйладылар. Кыскасы, безнең төбәктәге беренче промышленность предприятиесе урынында корылган музей бик ошады. Бу сәяхәтне оештыручыларга, җәмгыять җитәкчеләренә һәм белгечләренә рәхмәтебез чиксез. Шуны да өстәп языйм, берничә ел элек безгә тарихи Болгарны да күрсәтеп кайтканнар иде.
Миндар Борһанов.
Лашман авылы
Следите за самым важным и интересным в Telegram-каналеТатмедиа
Нет комментариев