“Мөшбикә” мәчетендә бәйрәм оештырган өчен рәхмәт
Чирмешәннең “Мөшбикә” мәчетендә балалар өчен бик күңелле бәйрәм булды. Чара якшәмбе көнне булгач, халык бик күп иде. Балаларын җитәкләп, анда әти-әниләр дә, милли киемнән әби-бабайлар да килгән.
- Корбан бәйрәмендә иң сөенгәне без, балалар, булдык - туйганчы аттракцион уеннарда уйнадык, “сахарная вата”, попкорн белән сыйландык. Сәнгать мәктәбендәге укытучыбыз Наталья Султанова мөселман талисманнары ясап истәлек бүләге тапшырды, - диләр бертуган Язилә һәм Ясминә Гыйниятуллиналар. - Мөшбикә мәчетенә без уку елының һәр якшәмбесендә йөреп, ислам дине нигезләрен өйрәндек, Коръән уку бәйгесендә дә катнаштык.
Мәчеттән һәркем бүләкләр - тәм-том салынган пакетлар белән китте.
- Шундый бәйрәм оештырганнары өчен, Хәбир хәзрәткә, Диләрә остабикәгә, иганәчеләргә дә барыбыздан да зур рәхмәт, - диделәр кызлар.
Следите за самым важным и интересным в Telegram-каналеТатмедиа
Нет комментариев