Безнең Чирмешән
  • Рус Тат
  • Иске Сережкинода өмә үткәрделәр

    Иске Үтәмеш авыл җирлеге җитәкчелеге Иске Сережкино авылы каберлеген карт, корыган агачлардан арындыру эшен оештырды. Киселгән агачлар зират кырыена чыгарылды.

    Ә ноябрь башында искесережкинолар зират өстендә  янә өмә үткәрде. Агачлар утынга киселде, ә ботакларын Александр Петров  тракторына  төяп чыгарып, махсус урында яндырдык. Өмәчеләр зират тирәсеннән бар чүп-чарны җыеп алдылар.

    Изге урынны тәртипкә китерүдә ярдәм иткән өчен,  авыл җирлеге башлыгы Рафис Мингуловка, монда эшләгән ир-атлар – Федор Илюхинга, Юрий, Сергей, Константин Ермишовларга, Руслан Алфеевка, Максим Корниловка рәхмәт.

    Евгений Илюхин.

    Иске Сережкино авылы.

    Реклама
    Нравится
    Поделиться:
    Комментарии (0)
    Осталось символов: