Чирмешәнлеләр хөрмәтле ике укытучы белән мәңгелеккә хушлаштылар

Алар гомерләренең соңгы көннәренә кадәр тормышны сөюче, төпле, кызыклы шәхесләр булып калдылар. Ветераннар белән аралашу, теләсә нинди темаларга сөйләшү, аларның киңәшләрен тыңлау күңелле һәм рәхәт иде.

Ике чын педагог, олпат укытучы-предметниклар... Алар үзләреннән соңгы буын мөгаллимнәр өчен һәрвакыт үрнәк.

Энергияле, яшь һәм чибәр, һәрвакытта да пөхтә, кирәк вакытта кырыс та,  дәресләрдә мавыктыргыч, ягымлы һәм аңлаешлы сөйләмнәре белән балаларны үзләренә җәлеп иткән укытучылар - аларны без, укучылары, нәкъ шулай истә калдырдык.

Бу хәсрәтле көннәрдә сыйныфташлар белән аралашып, без алар өчен тормышта никадәр аз эшләгәнебезне аңлыйбыз һәм үкенәбез. Соңаруыбыз бик кызганыч...

Алар истәлегенә мәктәп программасы әсәрләрен кабат укыйсы, рус теле дәреслекләрен ачасы һәм мәктәп турында фильмнар карыйсы килә.

Һөнәри бәйрәмнәре - Укытучылар көне тирәсендә аларның йөрәкләре тибүдән туктады... Җир йөзендә мәңгелек дан элеге укытучыларыбызга, урыннары оҗмахта булсын!

Анна Александровнаның каберенә мәктәп коллективы исеменнән чәчәк, венок куелмавы гына безнең күңелләрдә бераз яра калдырды... Коллективлар үзләренең ветераннарын онытмасыннар һәм аларны соңгы юлга лаеклы озатуда ярдәм итсеннәр иде дигән теләктә калабыз.

Валентина Меркулова,

Чирмешән урта мәктәбенең 1972 нче елгы чыгарылыш сыйныф укучысы

фото: архив