Чирмешәндә “Красная горка” бәйрәмен бик үзенчәлекле итеп үткәрделәр
Районның рус милли-мәдәни җәмгыяте активистлары күпләр яраткан “Красная горка” пасха бәйрәмен быел, коронавирус чирен кисәтү һәм үзизоляция шартларында, үзгәрәк үткәрергә тәкъдим иткәннәр. Бу инициативаны күп якташларыбыз күтәреп алган.
-Пасха атнасы ахырындагы әлеге бәйрәм электән үк халык белән хороводлар һәм уеннар оештырылып үткәрелә, - дип яза милли җәмгыять активисты Валентина Меркулова. -Ә бу якшәмбе иртәсе телефоннан бәйрәм котлаулары эстафетасыннан башланды. Телефоннан видео һәм аудиокотлаулар, халык җырлары яңгырады, кешеләр бер-берсенә шигырьләр укыдылар, халык гореф-гадәтләре хакында сөйләделәр. Якташларыбызны районның дини руханилары да котлады.
Эстафетаны Казанкада, Шешминкада һәм башка авылларда дәвам иттеләр. Дистәләгән кеше шушы оригиналь котлаулар өчен рәхмәтләр әйтеп, бер-беренә сәламәтлек һәм уңышлар теләде.
Следите за самым важным и интересным в Telegram-каналеТатмедиа
Нет комментариев