Безнең Чирмешән
  • Рус Тат
  • Чирмешәндә ана һәйкәленә урын бар

    Әле күптән түгел генә Чирмешән үзәгендә Беренче Май урамында матур каеннар арасында агач бина торды. Ул безнең “Каенкай” балалар бакчасы иде.

    Дүрт ел элек без “өй туе” уздырдык. Каршыда гына торучы ике катлы бинага капиталь ремонт ясап, безгә яңа бакча бүләк иттеләр. Ул вакыттагы шатлыклы хисләр! Әйтеп бетергесез...

    Ләкин бүген безнең коллективның иске нигезебезгә карап йөрәк әрни. Гел җыештырып, чүп үләннәрен чабып торсак та, бу матур урын чүплек оясына әверелә бара.

    Районда Ана һәйкәле кую турында сүз күптәннән бара инде. Минемчә, аны нәкъ шунда куярга кирәк. Бу урамнан халык та күп йөри, балалар бакчасына килүче сабыйларда да һәйкәлгә карап, Әниләргә ихтирам хисе артачак.

    Әлфия Гыйләҗева,

    “Каенкай” балалар бакчасы мөдире.

    Гөлсирә Шәрифуллина фотосы

    Нравится
    Поделиться:
    Комментарии (0)
    Осталось символов: