Чирмешән районында авылларны карантинга япканнар, дигән хәбәр дөресме?

Күтәмә белән Яңа Элмәле авыллары янында полиция постлары тора, беркемне дә авылдан чыгармыйлар да, авылга кертмиләр дә дигән хәбәр яшен тизлегендә таралды.

Халык теленә кергән әлеге мәгълүматның чынмы-ялганмы икәнен белү максатыннан, без районның полиция бүлекчәсенә мөрәҗәгать иттек.

-Бу хәбәр дөрес түгел, - диде районның полиция бүлекчәсе начальнигы урынбасары Хәлил Шарапов. – Алда телгә алынган һәм башка авыллар янәшәсендә дә безнең тарафтан аерым постлар куелмады. Ләкин, барыбыз да моны белеп тора, районда авыручылар бар, шуңа да саклану чаралары турында онытырга ярамый, битлекләрне, перчаткаларны кулланырга кирәк.

фото: архив