Техникалар кырга чыгарга әзер

"Серендеев" крестьян-фермер хуҗалыгының машина-трактор паркында тагылма агрегатлар, чәчкечләр, культиваторлар әзерлек сызыгына куелган. Бер КамАЗ, бер МТЗ-80, икешәр ДТ-75, МТЗ-82, МТЗ- 2112 тракторлары барысы да бүген үк кырга чыгарга әзер.

- 1 мартта ремонт эшенә керештек, хәзер инде вак-төяк җитешсезлекләрне генә бетерәбез. Язгы чәчү вакытында техникаларны ике сменада эшләтү өчен механизаторлар туплыйбыз. Ягулык, орлык та бар, - ди хуҗалык бригадиры Михаил Емельянов.

"Серендеев"та 15 механизатор эшли. Георгий Баландаев шулар арасында иң тәҗрибәлесе. Ул 42 ел трактор егәрли, шуның 7 елын - әлеге крестьян-фермер хуҗалыгында. Хезмәт хакын вакытында бирәләр, язгы чәчү, урып- җыю чорларында ул эшнең күләменә карап арта да икән.

Фермер хуҗалыгының 1777 гектар чәчүлек җире бар, анда арпа, бодай, карабодай үстерергә ниятлиләр.