Чирмешән урамында җәяүленең гомере өзелгән
17 сентябрьдә көндезге 15.00 һәм 16.00 сәгатьләр арасында район үзәгенең Титов урамында юл-транспорт һәлакәте була.
Район дәүләт автоинспекциясе бүлекчәсеннән хәбәр итүләренчә, төзелеш материаллары кибете каршындарак юл аралыгында, Техническая урамы ягыннан менеп баручы, чирмешәнле идарә иткән HYUNDAI GRETA машинасы җәяүлене бәрдерә.
Җәяүле – 1968 елгы, Түбән Кармалка кешесе, “ЧИРМЕШӘНАГРОХЕЗМӘТЛӘРЕ” җәмгыятендә сакчы булып эшләгән. Ул юл-транспорт һәлакәте вакытында, кагыйдә бозып, юлны тиешсез урында кисеп чыга торган була һәм машина астына эләгә.
-Кызганыч, авария урынында ук җәяүленең гомере өзелде. Элеге эш буенча тикшерү бара, - дип хәбәр итте район дәүләт автоинспекциясе бүлекчәсенең юл хәрәкәте куркынычсызлыгын пропагандалау инспекторы Рәзил Фәттахов.
Рәзил Фәттахов фотосы
Следите за самым важным и интересным в Telegram-каналеТатмедиа
Нет комментариев