Чирмешән юлындагы һәлакәттә телефон “гаепле”
10 май көнне Күтәмә авылы янындарак ВАЗ-2110 автомашинасы әйләнеп капланган. Аның йөртүчесе салон панеле өстендәге кесә телефонына “алданган”.
Районның ЮХИДИ бүлегеннән хәбәр итүләренчә, Казан уңаена бара торган “унлы” автомашинасын йөртүче ир-ат - Югары Кәминкә авылы кешесе игътибарын телефонга юнәлтеп, көпчәкләре белән юлның уң як обочинасын “эләктерә”. Аннан машина юлның сул ягына төшеп әйләнеп каплана.
-Нәтиҗәдә тән җәрәхәтләре алган машина йөртүчегә һәм пассажир хатын-кызга больницада медицина ярдәме күрсәтергә туры килде. Бәлагә таручылар, бәхеткә, куркынычсызлык каешларын таккан булганнар, - диде әлеге уңайдан районның ЮХИДИ бүлеге инспекторы Сергей Барабашкин
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев