Чирмешән районында ике шоферга - кунакка бару 30ар мең сумга төшкән
Чирмешән районыңда машина йөртүче ике кеше май бәйрәмнәрендә автотранспорт белән исерек хәлдә идарә иткән.
Районның ЮХИДИ бүлегеннән хәбәр итүләренчә, алар икесе дә кунакта сыйланганнар.
-“Нива “ автомашинасы белән идарә иткән Яңа Элмәле авылы кешесе, урта яшьләрдәге ир-ат, 1 май көнне хәмер кулланган хәлдә руль артына утырып кунактан кайтырга чыккан. Алкотектор аның организмында алкоголь булуын күрсәтте. Күтәмәгә Лениногорскидан кунакка килгән ир-ат та 8 май көнне “чирткән”. Ул машина белән шушы хәлдә кибеткә килгән иде, -ди районның ЮХИДИ бүлеге инспекторы Сергей Барабашкин.
Кагыйдә бозган шушы машина йөртүчеләргә ел ярымга-ике елга машина йөртү хокукыннан мәхрүм ителү, утызышар мең сум штраф яный.
Следите за самым важным и интересным в Telegram-каналеТатмедиа
Нет комментариев