Чирмешәндә VIKTOR тракторы җыйганнар
Чирмешәндә яшәүче Виктор Миллер бакча җирен үзе ясаган трактор белән эшкәртә. VIKTOR 4*4 – техникасын ул шулай атаган - аның беренче генә эш җимеше түгел.
Андый тракторларны берничәне җыйган оста. Үзе әйтмешли, сызым-чертежлары башында. “Ватсап”та, Россия күләмендә үк үз төркемнәре бар икән, анда Виктор кебек кулибиннар үзара аралаша, киңәшә.
- Кирәкле запас частьләрне “авторазборда”, тимер җыю пунктларында таптым.Тракторда 13-17 ат көчле FORZA двигателе тора, тапшырулар тартмасы - коробкасы, кыскартылган күчәрләре - мостлары, руль системасы “Жигули”ныкы, -ди ул. –Аны өч айлап ясадым. Хәзер кешегә ялынмыйм: үз тракторым бар, кирәк әйберне салам да кайтам арбасына. Бакча сукаларга, кышын кар төртергә дә менә дигән техника.
Фото: Виктор Миллер.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев