Ярминкәләр тег белән яңалыклар

• 08 ноябрь 2013

  Бодай бәһале

  Халык бердәмлеге көнендә, ягъни 4 ноябрьдә район үзәгендә үткән ярминкәдә бодай да саттылар. Килограммын 9 сумнан. Арышка 7 сум сорадылар. Дөрес, бөртек күп түгел иде, ул башка ярминкәләрдә дә күренми диярлек. Ә менә бал, ит, кием-салым, көнкүреш техникасы, эш кораллары һәр ярминкәдә сайлап алырлык. Берсе-берсе 1000 сумга тере казлар да...

• 29 октябрь 2013

  Акчаң булса, әйбер бар

  Район үзәгендә тагын ярминкә булды. Якшәмбе көнне "Кәрвансарай" янәшәсендәге мәйданда кәбестә, кишер, бал, обойлар, өс, баш, аяк киемнәре, он эшләнмәләре дә саттылар. 25 мең сумга - 9 айлык, 22 меңгә - 5-6 айлык бозаулар, 5 меңгә симез, буаз сарык та тәкъдим иттеләр. Тере казлар да бар иде.

• 18 сентябрь 2013

  Казлар өлгерде

  Узган атнада Чирмешәндә оештырылган ярминкәдә тере мал - бозаулар сатучылар күп иде. Инде суярлык үгез бозауга - 35 мең, кечерәкләренә 16-25 мең сум сорадылар. Берәү бер-берсен 1 мең сумга тере казлар сата. Ярминкәдә яшелчә, җиләк-җимеш үсентеләре, кием-салым да тәкъдим иттеләр. Бу юлы сатучылар азрак килде шикелле.

• 29 июль 2013

  Кемгә – виноград, кемгә – гөмбә

  Быел яшелчәләрне, җиләк-җимешне кая куярга белмисең - бар да уңды. Район үзәгендә 28 июльдә уздырылган ярминкәдә дә бакча ризыкларын сатучылар күп иде. Килограммы 50-60 сумнан - кавын һәм помидор, 25тән - кыяр, 15 сумнан - карбыз, 120дән виноград тәкъдим иттеләр. Карлыган, слива, чия, алма да саттылар. Барысы да өзеп кенә...

• 20 май 2013

  Итле, чәчәкле базар

  Узган атнада "Кәрвансарай" сәүдә үзәге янындагы мәйдан чәчәкләргә күмелде. Конкретрак әйткәндә, монда оештырылган чираттагы ярминкәдә бик күпләр чәчәк сатты, бик күпләр аны сатып алды. Чәчәкләр өчен 10-100 сум сорасалар, сыер ите (килограммы) - 230, дуңгызныкы 165-175 сумга сатылды. Яңа суелган свежий ит. Бозаулар, каз бәбкәләре, тавыклар-чебешләр дә (бер-берсе 190 сумнан...

• 06 май 2013

  Гел эш димәгән

  Май бәйрәме ялларында бакчада эшләп арыган халык ярминкәдә кеше күреп, һава сулап, ял итеп кайтты. Чирмешәндә, "Кәрвансарай" янәшәсендәге мәйданда 4 май көнне оештырылган ярминкәдә сыер һәм дуңгыз ите, яшелчәләр, кондитер эшләнмәләре, кием-салым, җир эшкәртү техникасы, обойлар һәм буяулар да саттылар. Бозаулар һәм дуңгыз балалары, тавыклар, чалгы, көрәк саплыклар, чәчәк һәм...

• 08 апрель 2013

  Ярминкәләр

  Бозаулар, тавыклар, яңа суелган мал ите, он, көрпә, яшелчә, обойлар, көрәк, чалгы саплары, такта, борыс, бал, урын-җир әйберләре, язгы-җәйге өс киемнәре, җиләк-җимеш, кондитер эшләнмәләре һәм башка товарлар да сатылды узган атна ярминкәсендә. Сатучылар да, алучылар да күп иде.

• 11 март 2013

  Бүләккә – тере чәчәк

  Халыкара хатын-кызлар көнендә Чирмешәндә оештырылган ярминкәдә иң күп сатылучы товар - тере чәчәк булгандыр. Шәп бүләк бит. Яңа суелган эре мал һәм дуңгыз ите, тавыклар, он, шашлык, кием-салым, тере мал, көнкүреш кирәк-яраклары да тәкъдим иттеләр.

• 14 февраль 2013

  Товар да аласың, дусларны да күрәсең

  Чирмешәндә яшәүче пенсионер Надежда Владимирова ике атнага бер үткәрелүче ярминкәләрне калдырмый диярлек. - Бүген килосын 170 сумга яңа суелган дуңгыз ите, элеккегесендә халат алдым, - ди ул. - Ә миңа җеп туры килде, кирәк тә иде, - ди Рәхимә апа Газизова. - Ярминкәгә чыгу ярады, Надяны да күрдем. Без бит...

• 29 гыйнвар 2013

  Мал да, бал да

  Район үзәгендә узган ярминкәдә мал да, бал да саттылар. Симертергә бозауларны алучылар да табылды. "Кәрвансарай" сәүдә үзәге янәшәсендәге мәйданда бу юлы да җылы киемнәр, савыт-саба, келәмнәр, урын-җир әйберләре, ит, көнкүреш кирәк-яраклары тәкъдим иттеләр. Бөртек, фураж сатучылар булмады. Салкын һава куркыттымы, ярминкәдә халык азрак иде.

• 03 декабрь 2012

  Каз итеме, тай итеме?..

  Бүген каз ите дә, тай ите дә табып булмаслык әйбер түгел. Район үзәгендәге соңгы ярминкәдә, ул якшәмбе көнне оештырылды, бер меңгә - тере казлар, килограммын 240 сумнан - сыер ите, 175 сумга дуңгыз ите дә саттылар. Кондитер ризыклары, өс, баш, аяк киемнәре, бозаулар, яшелчә, бал, шашлык та бар иде. Сатучыларның...

• 08 ноябрь 2012

  Кәҗәләр дә бар иде

  Район үзәгендәге соңгы ярминкә бик җанлы узды. Шенталадан хәтле берәү сатуга кәҗәләр алып килгән. Кызганыч, бөртек кирәксенүчеләр ярминкәдән бу юлы да буш киттеләр. Сатучылар да, товар алучылар да күп булды бу чарада. Дөрес, нигездә, кием-салым саттылар. Нишләптер, алда язылганча, авыл хуҗалыгы предприятиеләре генә бу юлы үз продукцияләрен алып чыкмадылар. "Сөлчә"...

• 02 ноябрь 2012

  Ярминкәләр

  4 ноябрьдә - ярминкә "Кәрвансарай" күпфункцияле сәүдә комплексы мәйданында алдагы - якшәмбе көнне ярминкә булачак. Башлана - 8 сәгатьтә. Муниципаль район башкарма комитеты.

• 01 ноябрь 2012

  Чирмешәннең кабагы да – үтемле товар

  Бездә үстерелгән суганга шәһәрләрдә әле дә ихтыяҗ бар. Район хәзерләүләр конторасыннан әйтүләренчә, Чирмешән бакчачылары иккән сарымсак, хәтта кабак та күптән түгел оештырылган ярминкәләрдә тиз сатылып беткән. Җиләк, карлыган яфрагы, юкә, ромашка, тырнак гөл (календула), клевер чәчәге, мәтрүшкә, каен себеркесе, бөтнек - хәзерләүчеләр шәһәрләрдә оештырыла торган ярминкәләрдә сатып алучыларга шундыйрак товарлар...

• 11 сентябрь 2012

  Иткә чират юк иде

  Район үзәгендә узган якшәмбе көнне оештырылган ярминкәдә яңа суелган мал, тавык ите дә, бәрәңге, суган, карбыз, виноград, кием-салым, кирәк-яраклар саттылар. Дөрес, сатучылар азрак, халык күп иде.