Чирмешәндә велойөреш була
Бу атна якшәмбесендә, 27 август көнне Чирмешәндә велойөреш оештырыла.
Районның яшьләр һәм спорт эшләре бүлегеннән белешүебезчә, чара көндезге сәгать 1дә район Советы бинасы каршындагы мәйданнан старт алачак. Аннан велосипедчылар стадионга таба кузгала. Стадионда исә бәйгечеләр фигуралы йөрүдә, велоузышта сыналачак.
Оештыручылар ярышларга барлык теләүчеләрне чакыралар, яшь буенча чикләүләр юк.
Безнең Чирмешән
