Пешка пас бирми: Чирмешән «Орион»ының да иң көчле шахматчыларын ачыкладылар

Такта артында түгәрәккә йөрүче 15 бала көч сынашты, аларның һәрберсе үз холкын күрсәтте.

Ел саен үз осталыгын исбатлаучыларга - аерым рәхмәт сүзләре.

Лидерлар арасында Чирмешән лицее укучысы Искәндәр Мөхәммәтшин да бар иде. Аның исеме инде беренче урыннарда ук берничә тапкыр яңгырады.

Илүсә Шәрифуллина (лицей) - өлкән сыйныф кызлары арасында уздырылган район ярышларының чын йолдызы. Ул берничә тапкыр пьедесталның иң югары баскычына күтәрелде.

Чирмешәннең 2 нче мәктәбенең сигезенче сыйныф укучысы Андрей Мартенс - тотрыклылык үрнәге. Менә инде ике ел рәттән ул үз категориясендә беренче урыннарны яулый, ә быел коллекциясенә шахмат клубы призеры исемен өстәде. Аның уңышлары һәм табигый сәләтләре сөендерми кала алмый.

Түгәрәкнең элекке катнашучылары да үсә. Хәзерге вакытта Чирмешән аграр техникумы студенты Евгений Перцев та район ярышларында берничә тапкыр призер булды һәм «алтын» алды.

Аеруча горурлык - Туймәт мәктәбеннән Самир Шәрифуллин. Яшь шахматчы гаҗәеп уңышка иреште һәм көмеш медаль белән бүләкләнде. Түгәрәк җитәкчесе Шамил Сунчалеев әйтүенчә, балаларның үсешен күзәтү-чын ләззәт.

- 15 баланың һәрберсенә хезмәтләре, җиңүгә омтылышлары һәм уңышлары өчен рәхмәт, - диде Шамил Сөнчәлиев.

Җәйге каникул башланды, һәм түгәрәк җитәкчесе барлык балаларга да: юлларда да, суда да игътибарлы булыгыз, - дип искәртә. Ял имин, бәла-казасыз булырга тиеш.