Иң оста волейболчы хатын-кызлар – Ивашкинода

Илсөяр Гайнетдинова, 5 март 2022 - 15:01

3363

8 Март бәйрәме алдыннан хатын-кызлар командалары арасында волейбол буенча район ярышлары тәмамланды. Чемпионат кубогы Ивашкино авыл җирлеге командасында.

Иң оста волейболчы хатын-кызлар – Ивашкинода

Узган ел ахырында башланып, быел дәвам иткән ярышларда сигез команда катнашкан. Сайлап алу туры нәтиҗәләре буенча иң көчле дип ачыкланган дүрт команда финалда очрашты.

Район мәдәният йорты спорт залында үткән йомгаклау уеннарында “Ивашкино” командасы иң җитезе булып чыкты. Алар беренче урында. “Ильмово” (Яңа Элмәле авыл җирлеге командасы) – икенче, район мәгариф бүлегенең “Педагоги” командасы – өченче, “Шешминка” (Шешминка авыл җирлеге) – дүртенче урында.

Командалар кубок, грамоталар һәм акчалата бүләк ияләре. Беренче урынга 20 мең сум бирелә, икенчегә – 15 мең сум, өченчегә – 10 мең сум, дүртенче урынга 5 мең сум. Шулай ук, Флера Рәхимҗанова - иң өлкән, Наталья Михляева иң оста уенчы номинацияләрендә бүләкләнделәр. “Шешминка” командасына шул авыл җирлеге башлыгы рәхмәт хаты да тапшырды.