Чирмешәннең “Корыч ябалаклар”ы Казан хоккейчыларын 11:5 исәбе белән отты

Узган якшәмбе көнне “Юбилей” боз сараенда үткән чирек финал очрашуында Чирмешәннең “Корыч ябалаклар” яшь хоккейчылары (тренерлары Руслан Маковей) Казан шәһәренең “Зилант” командасы уенчыларын 11:5 исәбе белән отуга иреште. Шул ук көнне бозда Мамадышның “Олимп” һәм Азнакайның “Соколы” командалары көч сынашты, җиңү азнакайлылар ягында  - 9:3.

Бүген “Юбилей” боз сарае бозындагы ярым финал уеннарында Актанышның “Лачын” һәм Азнакайның “Соколы” командалары көч сынаша, ә Чирмешәннең “Корыч ябалаклар”ы Әгерҗенең “Спутник” командасы белән ярышачак.

Беренчелекнең җиңүчеләре иртәгә узачак финал уеннарында ачыклана.

ФОТОРЕПОРТАЖ 

Марат Гомәров фотолары