Чирмешәндә тхэквондо буенча ярыш үтәчәк

Бу көнне район үзәгендә Чирмешән Кубогына “Татнефть” җәмгыяте призларына әлеге спорт төре буенча турнир оештырыла. Бәйгедә Казан, Әлмәт, Лениногорск шәһәрләреннән 50ләп спортчы катнашачак, безнең районнан да 30га якын тхэквондочы көч сынашачак. 26 октябрьдән бирле барлык спортчылар Чирмешән лицее һәм Боз сарае базаларында сборларда, дип хәбәр иттеләр районның яшьләр эшләре һәм спорт бүлегеннән.

Татарстан Республикасының Тхэквондо федерациясе оештыручы ярыш иртәнге сәгать 9.00дә башлана.