Чирмешәндә кар өстендә туп суктылар

Күл буенда өчәр кеше составында ике команда ярышты. Чирмешән яшьләре һәм кунаклар 15 градус салкында тирләп-пешеп туп сугудан ләззәтләнделәр. Аларның һәркайсына бүләк әзерләгәннәр.

- Бу көннәрдә башка ярышлар да оештырабыз, - ди спорт мәктәбе директоры урынбасары Татьяна Герасимова.

Яңа ел каникулларында чаңгычылар да актив. Алар өчен шул ук күл буенда чаңгы эстафетасы узды.

-Барыбызны да чипсы һәм башка тәм-томнар белән бүләкләделәр, - ди 5 нче сыйныф укучысы Александр Захаров. – Чаңгыларны мәктәптән алдык, аларны майлап ук бирделәр, шуңа яхшы шуалар.

Александр кебек үк, Матвей Темников та бу көннәрдә чаңгы юлына еш чыга. Бүгенге ярышка Чирмешәннең Амур ягыннан килгәннәр.

- Саф һавада бик рәхәт, бер дә арытмый, - диләр спорт белән актив шөгыльләнүче егетләр.

Автор фотолары.