Чирмешән кызларының “Молодежка”сы 20 мең сумлык бүләккә ия

Бәйгедә барлыгы җиде: “Молодежка” (Чирмешән кызлары), “Чирмешән” (хатын-кызлар җыелма командасы), “Элмәле”, “Социальный фонд России” (район клиент хезмәте), “Педагоглар”, “Муниципаллар”, “Шентала” командалары көч сынашты.

Район үзәгенең универсаль спорт залында үткән финал уеннарында җиңү яулаган “Молодежка” 20 мең сумлык акчалата сертификатка ия, икенче урынга чыккан “Чирмешән” командасы – 15 мең, өченче урын ияләре - “Элмәле” кызлары 10 мең сумлык шундый бүләккә лаек булдылар. Оештыручылар финалчыларга кубоклар, медальләр, грамоталар тапшырды.

Чемпионатның “Иң оста уенчысы” дип Мария Цыбульская (“Молодежка”), “Иң оста “связующая” Эльвира Сәхабиева (“Чирмешән”), “Иң оста һөҗүмче” дип Людмила Захарова (“Элмәле”) танылды.

ФОТОРЕПОРТАЖ