Табага тоз бөртеге сибегез...

• Чистартылган майны кулланыр алдыннан я фильтр аша үткәрергә, я чайкалдырмыйча гына башка савытка агызырга кирәк.
• Мал эченнән алынган май (сыер һәм дуңгыз мае) ит яисә кош-корт кыздыру өчен яхшы санала.
• Мал маена үсемлек мае кушып ясалган катнашма балык, яшелчә һәм камыр ашларын бик уңдыра.
• Акмай ризык кыздыру өчен бармый, чөнки ул бик тиз яна һәм төтенли башлый.
• Әзер ризыкны җылыту өчен май кулланмасаң да була. Аның урынына әзер шулпа, кайнаган су, сөт, яшелчә пешкән су салырга мөмкин. Мәсәлән, төйгән бәрәңгегә — 1-2 аш кашыгы кайнар сөт, соуска —шулкадәр үк шулпа, томалап пешерелгән яшелчәгә аз гына су өстәргә була.
• Кайнап утырган май газ өстен чәчрәп пычратмасын, дисәгез, табага берничә тоз бөртеге сибегез, ә казандагы майга утка куяр алдыннан кечкенә икмәк кисәге салыгыз.
• Кичтән пешерелгән ризыкны, ул салкында сакланган булуына карамастан, яңадан кайнатып, яки кыздырып алырга кирәк.
• Акмай кушып әзерләнгән соусны, ашны һәм измәне кайнатып чыгарырга киңәш ителми.
• Коры горчицага су урынына сөт кушып бутасаң, ул яхшы саклана, тиз кипми.
• Бал салынган банкада кашык яисә пычак калдырырга ярамый. Балда металлга тигәндә юкка чыга торган кислоталар бар.
• Чүпрәне стаканның яртысына кадәр тыгыз итеп тутырып, су салынган тәлинкәгә каплап куйсаң, ул озак сакланачак.

чыганак