Татарстанда иң нык кыйммәтләнгән ризыкларны атаганнар
Узган елда Татарстанда иң нык кыйммәтләнгән ризыкларны ачыклаганнар. 2023 елның декабреннән узган елның ноябренә кадәрге чорга бәрәңге бәясе барыннан да күбрәк – 79,5 процентка арткан. Татарстанстат мәгълүматларына караганда, атланмай (49,7%) икенче урынга чыккан.
Кәбестә хакы да шактый ук – 40 процентка “сикергән”. Башлы суганныкы – 32, чөгендернеке – 28,1 процентка. Сөт ризыклары, сыр бәясе 18,6 һәм 11,7 процентка үскән. Икмәк-күмәч ризыклары – уртача 12, балык – 15,4 процентка кыйммәтләнгән. Шул ук вакытта йомырка гына арзанайган. 2023 елның декабреннән – 27,1 процентка.
Ведомство мәгълүматлары буенча, 2023 елның декабреннән иң кирәкле азык-төлек “кәрзине” 16,9 процентка кыйммәтләнгән. “Кәрзиннең” уртача бәясе 5 922 сум тәшкил итә. Исегезгә төшерәбез: республикада еллык инфляция октябрьдә берникадәр төшеп, 8,32% дәрәҗәсендә калса, ноябрь аенда 8,83 процентка җитте.
Следите за самым важным и интересным в Telegram-каналеТатмедиа
Нет комментариев