Бәркәтәдә “Ат караклары”н эзләделәр

Мондагы үзешчәннәр "Ат караклары" комедиясен сәхнәләштерде. Әсәрнең авторы да үз авылдашлары икән.

Хәзер Бәркәтә авыл җирлеге башкарма комитеты җитәкчесе урынбасары булып эшләүче Миләүшә Мусина "Ат караклары"н 2007 елда язган булган. Андагы вакыйгалар узган гасырның 80 нче елларына карый. Менә шушы сәхнә әсәрен артистлар авыл тамашачысы хозурына тәкъдим итте дә инде. Рольләрдә - укытучылар: Марат Җамалиев, Гөлия Шәмгунова, китапханәче Әлфия Сөләйманова, Нурлат аграр техникумы студенты Равил Сәгыйров, мәктәп укучысы Алсу Җамалиева, Лениногорск Агрофирмасы хезмәткәре Рәшит Хәнипов, студентка Гөлинә Шәйхетдинова, машина йөртүче Илһам Мусин, Гөлнара Хаммәтгалимова, Кадрия Гафурова, Миләүшә Мусина (ул спектакльнең режиссеры да).