Кеше һәм закон
Чирмешән районында 39 яшлек хатын-кызны ирен үтерүдә гаеплиләр
Нагорный поселогында хатын-кыз тормыш иптәшенең күкрәгенә пычак белән кадаган, алган ярасыннан ул урында ук үлгән. Бу хакта Россия Эчке эшләр министрлыгының Чирмешән районы буенча бүлегендә хәбәр иттеләр.
Тикшерү версиясе буенча, 8 июль кичендә Нагорный поселогында, алкоголь эчемлекләр куллану аркасында, ир белән хатын арасында низаг килеп чыга, 39 яшьлек хатын-кыз тормыш иптәшенең күкрәгенә пычак белән кадый. Ир-ат «Ашыгыч ярдәм» машинасы килгәнче вафат булган.
Хатын-кыз үз гаебен тулысынча таныган, әлеге җинаять эшен тикшерү дәвам итә.
Следите за самым важным и интересным в Telegram-каналеТатмедиа
Нет комментариев